Sale&Service (Amarapura)

Together mobile sale & service အ.ထ.က (၁) လမ်း လေးစုရပ်ကွက်ရုံးအနီး အမရပူရမြို့။............... TOGETHER MOBILE Sale&Service B.E.H.S (1) Street, near LaySu Qr Office, Amarapura. email:togethermobile.ama@gmail.com www.facebook.com/togethermobile.ama Wechat ID : togethermobile12

၇နှစ်သမီးရဲ့ အလုပ်လျှောက်စာကို တလေးတစားပြန်ခဲ့တဲ့ Google စီအီးအို


၇နှစ် အရွယ်ဆိုတာ မြင်မြင်သမျှ စိတ်ကူးယဉ်ပြီးတွေးတတ်တဲ့ အရွယ်ပါ ။ ဖြစ်နိုင်မဖြစ်နိုင် မစဉ်းစားတတ်သေးတဲ့အရွယ်ပါ။ အင်္ဂလန်က Chloe ဆိုတဲ့ ၇နှစ်သမီးလေးဟာလည်း ဒီလိုပါပဲ။ ဂိုဂဲလ်က ပုံရိပ်တွေကိုမြင်ပြီး ဂိုဂဲလ်မှာအလုပ်လုပ်ချင်တယ်လို့ ဆိုလာတာကြောင့် အဖေဖြစ်သူကလည်း အပျော်သဘောနဲ့ အလုပ်လျှောက်စာရေးခိုင်းခဲ့ပါတယ်။ သူမဟာ စာအစောင်လိုက်ဆိုလို့ ဒီစာမတိုင်ခင် တစ်စောင်သာရေးဖူးပါတယ်။ သူ့အဖေကို ခရစ်စမတ်လက်ဆောင်ပေးတဲ့စာပါ။ စိတ်ကူးထဲရှိတာ ရေးချင်တာရေးပြီးတဲ့အခါ အဖေဖြစ်သူကလည်း ဂိုဂဲလ်ကို လိပ်စာတတ်ပြီးပို့လိုက်ပါတယ်။ အပျော်သဘောနဲ့ သမီးဖြစ်သူ စိတ်ကျေနပ်အောင်သာ ပို့ပေးလိုက်တာဖြစ်ပါတယ်။ စာပြန်လာမယ်လို့လည်း မမျှော်လင့်ပါဘူး။ ဟုတ်တယ်လေ ကလေးတစ်ယောက် စိတ်ကူးထဲပေါ်တာ ရေးချင်တာရေးထားတာကို ဘယ်လူကြီး ၊ ဘယ်ကုမ္ပဏီက အရေးတယူရှိချင်ပါမလဲ..

 ဒါပေမယ့် ကမ္ဘာ့အကြီးဆုံး နည်းပညာကုမ္ပကြီးတစ်ခုဖြစ်တဲ့ ဂိုဂဲလ်ကတော့ကလေးရဲစာကို စာပြန်ခဲ့ပါတယ်။ ရာထူးအကြီးဆုံး စီအီးအို Mr. Sundar Pichai ကိုယ်တိုင်စာပြန်ပါသတဲ့.
ကလေးရဲ့စာထဲမှာ - သူ့နာမည် Chloe ဖြစ်ပြီး ၇နှစ်ရှိပြီဖြစ်ကြောင်း ၊ ကြီးလာတဲ့အခါ ဂိုဂဲလ်မှာအလုပ်လုပ်ချင်ကြောင်း ၊ ချောကလက်စက်ရုံမှာလည်းလုပ်ချင်သလို ၊ အိုလံပစ်ပြိုင်ပွဲမှာလည်း ရေကူးချင်ကြောင်း ၊ ကွန်ပျူတာနဲ့ စက်ရုပ်တွေကို စိတ်ဝင်စားကြောင်း ၊ တက်ပလက်နဲ့ လည်း ဂိမ်းတွေကစားတတ်ကြောင်း ၊ ဆရာ နဲ့ မိဘတွေကလည်း သူ့ကိုတော်တယ်လို့ပြောကြကြောင်း ၊ ညီမဖြစ်သူကတော့ အရုပ်တွေကိုပဲ နှစ်သက်ကြောင်း ၊ အဖေက ဂိုဂဲလ်မှာအလုပ်လျှောက်ချင်ရင် စာရေးခိုင်းတာကြောင့် ရေးရကြောင်း ၊
အခုလို ဖတ်တဲ့အတွက် ကျေးဇူးတင်ကြောင်း စသဖြင့် စိတ်ထဲရှိရာရေးထားတာပါ။

ရက်အနည်းငယ်ကြာတဲ့အခါ သူတို့မမျှော်လင့်ထားပေမယ့် ဂိုဂဲလ်စီအီးအိုထံကနေ စာပြန်လာပါတယ်။ စာထဲမှာ-
စာအတွက်ကျေးဇူးတင်ကြောင်း ၊ ကွန်ပျူတာနဲ့ စက်ရုပ်တွေကို စိတ်ဝင်စားတဲ့အတွက် ၀မ်းသာကြောင်း ၊ နည်းပညာတွေကို ဆက်ပြီးသင်ယူလိမ့်မယ်လို့ မျှော်လင့်ကြောင်း ၊ဂိုဂဲလ်မှာ အလုပ်လုပ်နိုင်ဖို့ နဲ့ အိုလံပစ်မှာရေးကူးဖို့ စတဲ့ မင်းရဲ့အိပ်မက်တွေကို ဖြစ်အောင်လုပ်နိုင်မယ်လို့ ယုံကြည်ကြောင်း ၊ မင်းကျောင်းပြီးတဲ့အခါ မင်းရဲ့အလုပ်လျှောက်စာကို စောင့်မျှော်နေပါကြောင်း..တလေးတစားပြန်ပါတယ်။

မမျှော်လင့်ထားတဲ့စာ ၊ ဂရုတစိုက်ပြန်ထားတဲ့စာကြောင့် တစ်မိသားစုလုံး အံသြ၀မ်းသာကုန်ကြပြီး ဒီအကြောင်းကို ဖခင်ဖြစ်သူက အင်တာနက်မှာတင်လိုက်တဲ့အခါ ဖတ်ရှု့သူသိန်းနဲ့ချီရှိခဲ့ပြီး ကလေးအပေါ်ယုံကြည်မှု ကြင်နာမှု နဲ့ စိတ်အားတက်ကြွအောင်လုပ်ခဲ့တဲ့ စီအီးအိုရဲ့ လုပ်ရပ်ကို လေးစားချီးကျူးကုန်ကြပါတယ်။
Credit: www.thutazone.com

Share:

0 comments:

Post a Comment